Pèmkot Denpasar Ngerahang Armada Mobilè Calling

Armada Mobilè Calling Diskominfos Dènpasar
Armada Mobilè Calling Diskominfos Dènpasar

“Armada Mobilè Calling Diskominfos Dènpasar nglaksanayang sosialisasi prokes Covid 19 ring wewidangan titik fokus sanè akèh keni panglalah kasus positif utawi wewengkon sanè ngamargiang vaksinasi massal”

DENPASAR-DiariBali

Pinaka pidabdab ngicènin edukasi majeng masyarakat indik panglalah gering agung Covid 19 saha sosialisasi nglaksanayang vaksinasi, pemerintah kota Dènpasar sanè karemba Dinas Komunikasi Informatika lan Statistik Kota Dènpasar ngawèntenang pangerahan Armada Mobile Calling. Anggara Paing Medangkungan (15/6/2021).

“Makèh 4 unit Mobilè Calling saking Dinas Kominfo, Dinas Pemberdayaan Masyarakat, Dinas Perhubungan lan Dinas DP3AP2KB Kota Denpasar nyabran rahina, getor ngider ring wewidangan- wewidangan sanè dados titik fokus,” baos Kadis Kominfos Kota Denpasar Dr I Dewa Made Agung SE M.Si kasarengin Kepala Bidang Komunikasi lan Informasi Publik Dinas Kominfos Gdè Wirakusuma W.

Nyabran Armada Mobilè Calling puniki nyujur ke banjar-banjar di wewengkon sanè akèh keni panglalah kasus positif utawi wewengkon sanè ngamargiang vaksinasi massal. “

Duaning asapunika genahnyanè magentos- gentos manut data anyar sanè katerima nyabran rahina,” teges Kadis Dewa Agung.

Kawewehin, matèri audio sanè kasiarang nganggèn pengeras suara sanè kasiagayang. Mobil puniki pacang ngrauhin masyarakat ring genah- genah sanè dados pusat aktivitas wargi minakadi pasar, lapangan umum, pertokoan utawi pusat kegiatan masyarakat tiosan.

Danè ngaptiang malarapan sosialisasi lan èdukasi puniki prasida nyansan akèh wargi kota Dènpasar sanè uning kahanan lan tetep nganutin baos pamerintah rikala nampènin wabah Covid 19.

“Pangaptinyanè masyarakat sareng pemerintah kota Dènpasar pacang nunggalang pikayun mangda digelis prasida nangiang makasami sèktor sanè rauh mangkin kantun keni pinungkan Covid 19,” baos danè. (Get)