YPLP Kabupatèn PGRI Badung Nunggilang MISI majeng BMPS
Dr.Drs. I Made Gde Putra Wijaya, SH., M.Si.,
“YPLP kabupatèn Badung sayaga nunggalang pikayun majeng BMPS lan LSM pendidikan mangda prasida ngukukuhang èksistènsi sekolah swasta”
MANGUPURA-DiariBali
Yayasan Pembina Lembaga Pendidikan (YPLP) kabupatèn PGRI Badung nyokong nunggil kawèntenan Badan Musyawarah Perguruan Swasta (BMPS) ring kabupatèn kota majeng BMPS provinsi Bali.
YPLP PGRI Badung misadia matunggalan majeng BMPS lan LSM pendidikan rikala pacang mikukuhin èksistènsi sekolah swasta. sapunika kabaosang Ketua YPLP kabupatèn Badung Dr.Drs. I Madè Gdè Putra Wijaya, SH., M.Si., rikala ngamargiang rapat koordinasi YPLP PGRI ring SMK PGRI 3 Badung.
Putra Wijaya maosang sayan akèh komponèn swasta sanè nindihin saha ngawirangan majanten prasida manados daya dobrak perjuangan sekolah swasta sanè ngantos mangkin manados “anaktiri” olih pemerintah.
“Sesanti ayubagia prasida nunggalang pikayun saha nyokong BMPS kabupatèn kota. Titiang sayaga mabèla nindihin sinareng BMPS saha LSM pendidikan tiosan mangda kawèntenan sekolah swasta sanè sampun mabukti sinareng mencerdaskan anak bangsa mangda nènten sirna antuk kebijakan pangrencana pemerintah,” baos Putra Wijaya sanè kakukuhang dados Pengrajeg Pemuda Panca Marga Provinsi Bali puniki. Anggara Paing Medangkungan (15/6/2021)
Sekrètaris YPLP kabupatèn PGRI Bali Drs. I Gusti Ketut Sukadana, M.Pd Ngawewehin janten danè nènten ngayunin pemerintah daèrah ngwangun sekolah negeri sanè anyar duaning sampun dados silih sinunggil swadarma pemerintah nglaksanayang pangapti pendidikan majeng warga negaranyanè.
Nanging, lantur Sukadana sadurung ngwangun sekolah negeri sepatutnyanè pemerintah matetimbang riin indik kawèntenan sekolah swasta utamanyanè ngwangun sinergitas kriyasinarengan utawi nguratiang sekolah swasta sanè wènten rauh mangkin.
Tiosan punika, Sukadana ngaksi kawèntenan pamargi sanè mabinaya rikala pamargi Penerimaan Peserta Didik Baru (PPDB) ring sekolah negeri. Pikayun danè indikè punika nènten dados rahasia malih duaning sakancan sekolah negeri makudang undangan mabukti nampung sisya ngalintangin kapasitas sanè sampun kajantenang.
” Titiang mapangapti guru wisèsa utawi sanè ngamel jagat rikala PPDB mangda nerima sisya sanè anyar manut kuota sanè sampun kasungkemin sareng sami mangda sekolah swasta mapikolih sisya taler. Yèning sekolah swasta nènten mikolihang sisya, majanten guru pengajian honorèr lan kontrak kaon ring kauripan,” teges danè.
Kantun danè pamargi ngalimbakang kualitas mutu pendidikan sepatutnyanè pemerintah ngicènin subsidi majeng sisya ring sekolah swasta mangda prabea sayan murah lan kualitasnyanè prasida masaih majeng sekolah negeri. (GET)