Aksi Mareresik lan Matetanduran ring Pantai Muara Tangtu

Walikota Dènpasar, IGN Jaya Negara kasarengin Wakil Walikota Dènpasar, I Kadèk Agus Arya Wibawa ngalaksanayang Kebersihan lan Penanaman Pohon ring Pantai Muara Tangtu Dènpasar.

“Panglantur Wulan Bung Karno lan Rahina Lingkungan Hidup, Provinsi Bali nglaksanayang Gotong Royong Wana Kerthi malarapan Gerakan Serentak Kebersihan lan Penanaman Pohon”

DENPASAR-DiariBali

Walikota Dènpasar, IGN Jaya Negara kasarengin Wakil Walikota Dènpasar, I Kadèk Agus Arya Wibawa mengikuti aksi Kebersihan dan Penanaman Pohon ring Pantai Muara Tangtu Dènpasar.

Pamargi mareresik lan matetanduran kamargiang panglantur Wulan Bung Karno lan Rahina Lingkungan Hidup Provinsi Bali warsa 2021 ring Muara Tangtu Dènpasar, Soma Pon Matal (21/6/2021).

Ring galahè punika, makasami para uleman sanè rauh nganutin protokol kesehatan, Walikota Jaya Negara lan Wawali Arya Wibawa taler nandur taru ring wewidangan Pantai Muara Tangtu Dènpasar.

Walikota Jaya Negara kasarengin Wawali Arya Wibawa ngaluhurang sesanti ayubagia antuk kasudi Pantai Muara Tangtu pinaka pamargi Aksi Kebersihan lan Penanaman Pohon panglantur Wulan Bung Karno lan Rahina Lingkungan Hidup. Indikè punika banget ngawantu wewidangan kota Dènpasar. Sanè prasida ngawewehin keasrian widang Pantai Muara Tangtu.

Jaya Negara mapikayun irika minakadi Tangtu, Dèsa Adat Kesiman lan Dèsa Kesiman Kertalangu mangda setata ngupapira keasriannyanè mangda riwekas tetanduran sanè katandur sida kadi pangapti yadian taru perindang miwah penghijauan.

“Matur suksma katurang dumogi pamargi puniki prasida ngalimbakang swadarma masyarakat sareng sami manda tata palemahan tetep asri miwah lestari, pangarsan titiang Pantai Muara Tantu manados pilihan rèkreasi masyarakat,” baos danè.

Sèkda Provinsi Bali, I Dèwa Madè Indra kasarengin Kadis Kehutanan lan LH Provinsi Bali, I Madè Tèja maosang, panglatur Wulan Bung Karno sanè kalaksanayang ngawit pinanggal 1 – 30 Juni saha Hari Lingkungan Hidup, Pemprov Bali makasami nglaksanayang Gotong Royong Wana Kerthi malarapan Gerakan Serentak Kebersihan lan Penanaman Pohon ring sajebag Bali.

Pamargi puniki wantah wujud nyata konsistensi gebernur Bali ngupapira saha ngalestariang tata palemahan Bali sanè ngambil sesanti Taru Pramana Bhuwana.

“Ring galah sanè becik puniki makèh 110 taru katandur silih tunggilnyanè taru Sukun, Juwet, Cemara laut lan taru Ketapang,” tlatar danè.

Dèwa Indra mapikarsa, malarapan pamargi aksi mareresik lan nandur taru prasida silih rahina masyarakat hidup resik lan ngupapira palemahanè.

“Nandur taru boya je wantah kalaksanayang olih instansi pemerintah. kemanten, nanging iraga sareng sami patut ngupapira kaasrian jagat Bali mogi sida ngamolihang karahayuan saluir daging jagatè,” (Get)