Wayan Koster Ngaluhurang Paramasuksma ring 58 Pura Selami 9 Rahina, Ngrastiti Bali Sukerta Santi

DENPASAR, diaribali.com – Cagub Bali nomer 2 Wayan Koster (Pakét Koster-Giri Prasta) nglaksanayang parikrama mabhakti ring 58 pura sajebag jagat Bali ngaluhurang paramsuksma saha rasa pangayubagia antuk waranugraha sané kapaicayang saking Ida batara rikalaning pamargi Pilkada serentak warsa 2024.

Pangayubagia puniki kaluhurang santukan makekalih putra adi utama Bali kacumponin olih krama Bali ngamel rat dados Gubernur miwah Wakil Gubernur Bali période 2025-2030.

Koster-Giri pinaka adi jayanti 61,49 persén (1.414.284 suara). Pidabdab puniki kekantenang nénten doh manut pléno penetapan olihKPU Bali sané kalaksanayang 16 Desember 2024, Paslon 01 Mulia-Pas miwah makasami tim pemenangan sané pinaka lawan sampun ngandikayang ucapan rahajeng antuk pikolih adi jayanti Koster-Giri punika taler tim makasami. Dané lascarya mikolihang kekaonan ring Pilgub Bali 2024.

Salanturnyané, Koster-Giri mapikayun majeng ring kramané mangda gilik-saguluk ngwangun Bali mangda sayan becik antuk ngamargiang program pembangunan sane mapatitis sesanti Nangun Sat Kerthi Loka Bali.

Napi malih ring période 2025-2030 pinaka petitis kapertama majeng Gubernur miwah Wakil Gubernur mapilih ( Koster-Giri) nglaksanayang Haluan Pembangunan Bali Masa Depan satus warsa Bali Era Baru 2025-2125.

“Titiang (Koster-Giri), sapisanan ngrastiti bhakti mangda Bali sutrepti sukerta santi rikala Pilkada serentak 2024 punika taler sampun prasida mamargi antar labdakarya duk tanggal 27 November 2024,” baos Koster.

Gubernur Bali 2018-2013 puniki nénten maderbé rasa kaleson. Rikala pencoblosan miwah perhitungan count Buda 27 November 2024, dané kasarengin kulawarga tumus nglaksanayang pangubhakti rikala Sukra 29 November 2024.

Ketua DPD PDI Perjuangan Bali puniki ngucapang paramasuksma santukan Ida Betara sampun mapaica karahayuan jagat, I krama saha budaya Bali mawinan jagat Bali sutrepti rikala pamargi Pilkada Serentak kamargiang.

Ngaturang paramasuksma utawi sesanti pangayubagia ring 58 pura se-Bali pinaka pangrastiti Wayan Koster mangda kapaica tuntunan sekala-niskala rikala nglanturang nglaksanayang sesanti Nangun Sat Kerti Loka Bali mangda setata mamargi labdakarya ngantos warsa 2025-2030.

“Sapisanan titiang nglungsur waranugraha mangda satata kasuryanin miwah katuntun rikala nglaksanayang Nangun Sat Kerti Loka Bali prasida mamargi antar saha ayu nulus ring warsa 2025-2030,” baos dané Wayan Koster.

Manut Wayan Koster, période limang warsa sané jagi rauh dahat utama pisan majeng Koster-Giri pidabdab puniki wantah kapertama kalaksanayang Haluan Pembangunan Bali Masa Depan 100 warsa Bali Era Baru 2025-2125.

-Bali Era Baru 2025-2125-
Bali Era Baru wantah sesanti pembangunan sane karincikang olih Gubernur Bali, Wayan Koster, selami ngamel jagat 2018-2023. Bantang puniki macihna transformasi Bali ngardi pidabdab sané anyar utawi adi utama, sukerta miwah berbasis nilai-nilai budaya Bali, sapisanan nyokong pawangunan ngantos kawekas. Sané mangkin Bali sampun ring unteng Bali Era Baru 2025-2125.

Puniki makudang-kudang baga utama saking Bali Era Baru karya Wayan Koster sanéma tetujon ngrajegang saha nglestariang Bali satus warsa sané jagi rauh.
Pertama, Nangun Sat Kerthi Loka Bali
Sesanti puniki mawit saking falsafah ngrajegang kasucian miwah karahayuan jagat Bali makadi :
– Sat Kerthi: kesucian sané nenem patut kaupapira ngardi kaluwihan jagat makadi: Atma (jiwa), Wana (hutan), Danu (air), Segara (laut), Jana (manusia), dan Jagat (alam semesta).
– Loka Bali: ngwangun Bali antuk dasar adat, budaya, tradisi miwah kearifan lokal.

Kaping kalih, Pawangunan Infrastruktur
Sinalih tunggil pawangunan infrastruktur mautama ri kala nyokong visi Bali Era Baru sampun kamargiang période kapertama taler kalanturang miwah kawangun selami limang warsa sané jagi rauh.

– Tol Jagat Kerthi Bali: margi tol sané ngiket Gilimanuk-Mengwi mangda gelis konektivitas transportasi.

– Pelabuhan Sanur, Sampalan miwah Bias Munjul: nyokonh aksesibilitas ke Nusa Penida.
-Shortcut Singaraja-Mengwi
-Turyapada Tower
-Restorasi Parahyangan Pura Agung Besakih
-Parkiran Pura Ulun Danu Batur
-Short cut ring wewidangan Karangasem, Klungkung miwah ring sajebag Bali.
-Central Parkir Sanur
-Margi Anyar miwah Underpass ring Denpasar miwah Badung
-Pelabuhan Sangsit miwah Amed
-Pemecahan pikobet kemacetan, leluu miwah penataan Kota Denpasar.
-Pusat Kebudayaan Bali ring Klungkung
-Pawangunan Destinasi Wisata Kelas Dunia ring Pekutatan Jembrana miwah program-program pro krama Bali tiosan.

Kaping Tiga, Perjuangan Koster ngamijilang UU 15 warsa 2023 indik Provinsi Bali. Regulasi puniki sané ngukuhang kawéntenan Bali pinaka genah pinih utama sané mabantang antuk adat,budaya miwah tradisi lokal.

Kaping papat, ngupeti sumber -sumber pendapatan sané anyar antuk PAD Bali makadi pungutan Wisatawan Asing ( PAW) miwah sané lianan.
Sinalih tunggil pawangunan strategis Bali makadi Turyapada Tower,Pusat Kebudayaan Bali pacang dados sumber pendapatan anyar Bali.

Kaping lima, Pamikukuh Adat
Wayan Koster negesang indik nglestariang adat miwah budaya Bali antuk:
– Perda Nomor 4 warsa 2019 indik Desa Adat: ngupapira pengelolaan desa adat .
– Perlindungan Aksara miwah Bahasa Bali: Mendorong penggunaan aksara Bali ring publik.

– Penguatan Seni Tradisional: Revitalisasi seni tari, sekaa gong utawi gamelan, miwah tradisi lokal saha kearifan lokal Bali.

Kaping nenem, Ekonomi Kerthi Bali
– Nepes pawangunan ékonomi berbasis poténsi lokal, makadi pertanian organik, perikanan miwah kerajinan tangan.
– Ngwangun ekonomi kreatif berbasis seni miwah budaya.
– Transformasi sektor pariwisata nyujur pariwisata berkualitas tinggi miwah berkelanjutan.
-Ekonomi kreatif Digital.

Kaping pitu, Lingkungan Hidup
– Penanggulangan sampah plastik antuk kebijakan larangan plastik sekali pakai.
– Restorasi ekosistem mangrove miwah perlindungan kawasan suci sakadi Danau Batur miwah Gunung Agung.

Kaping kutus, Digitalisasi miwah Inovasi
– Pengembangan aplikasi miwah teknologi digital antuk nyokong layanan masyarakat, sakadi sistem pemerintahan berbasis elektronik (SPBE) miwah Smart City ring Denpasar.
– Transformasi pendidikan berbasis teknologi sané ulung antuk nilai-nilai lokal.
Bantang Bali Era Baru wantah pidabdab sang murdaning jagat utawi visioner Wayan Koster Mangda mikukuhin saha nglimbakang pawangunan modérn miwah nglestariang budaya tradisi lokal, sapisanan nyawis pikobet globalisasi Bali sané jagi rauh. Red