Pèmkot Denpasar Ngicèn Vaksinasi Majeng Disabilitas lan Skizofrènia

Pamargi vaksinasi majeng penyandang disabilitas lan skizofrènia, Reditè Pon Tambir (6/6/2021)”

“Pemerintah kota (Pemkot) Dènpasar ngamargiang pelayanan vaksinasi majeng penyandang disabilitas lan skizofrènia ring pecanggahan Bisabilitas jalan Kamboja, Dènpasar, Reditè Pon Tambir (6/6/2021)”

DENPASAR-DiariBali

Pamargi vaksinasi Covid-19 ring kota Denpasar boya je ngicenin pelayanan majeng masyarakat sanè normal kemanten, penyandang disabilitas lan skizofrenia taler kaicèn pelayanan vaksinasi, mawinan prasida ngingkupang sami komponèn masyarakat. Vaksinasi sanè kautamayang ring pecanggahan Bisabilitas jalan Kamboja, Dènpasar, Reditè Pon Tambir (6/6/2021) puniki, pamargi kaaksi Walikota Denpasar, I Kadèk Arya Wibawa kasarengin Kadis Kesèhatan, dr.Luh Putu Sri Armini.

Walikota Denpasar, I Kadèk Agus Arya Wibawa maosang capain vaksinasi covid-19 ring masyrakat kota Dènpasar ngantos mangkin 324.000 diri lan dumogi pacang ingkup sami ring wulan agustus sanè jagi rauh. “Nanging yadiastun asapunika pakèling majeng masyarakat yadiastun sampun kaicèn vaksinasi mangda tetep trepti lan satinut protokol kesèhatan ring sajeroning ngamargiang swadarma mangda prasida nepis virus covid-19. Titiang yakin yèning sami komponèn masikian prasida gelis ngwangun sèktor sanè keni covid-19, “ baos Wawali Kadèk Agus.

Ring galah punika taler Kadis Kesèhatan Denpasar, dr. Luh Putu Sri Armini nlatarang pamargi vaksinasi covid-19 puniki wantah vaksinasi sanè kaping kalih sanè ngingkupang disabilitas sanè kasediayang 100 dosis vaksin lan pinyungkan skizofrènia kasadia 58 dosis vaksin sadurungnyanè maakèh 616 dosis sanè sampu kaicèn majeng skizoftènia sanè kamargiang banjar soang-soang.

“Pamargin vaksin puniki mangda ngingkupang vaksinasi covid-19 majeng komponèn masyarakat sami. Ipun patut ngalolihang vaksinasi lan memanah mangda masyarakat Dènpasar nènten keni baya covid-19 dan prasida seger kènak rahayu. Maosang kawèntenan vaksin covid-19 ring kota Dènpasar ngantos mangkin kantun cukup lan stok taler kantun kirang langkung 150.000 dosis vaksin dan kawèntenannyanè tetep kauratiang becik,” baos Sri Armini.

Silih tunggil sanè nerima vaksinasi penyandang disabilitas inggih punika Yulius, matur suksma antuk uratian Guru wisèsa utamanyanè Pèmkot Dènpasar indik vaksinasi covid-19 ngingkupan makasami lapisan masyarakat nènten matiosan. Majanten pamargi puniki prasida nepis saha negdegang widang sèktor sanè keni baya pinungkan covid-19.

“Antuk manah nèwek pamargi vaksinasi kapertama titiang jejeh, vaksin kaping kalih puniki nènten malih maderbè rasa jejeh lan nènten wènten pikobet, tlatarnyanè. (get)