Giri Prasta Taler Nyukserahang Wantuan Hibah Majeng Umat Hindu Nusantara
DENPASAR, diaribali.com – I Nyoman Giri Prasta selami ngamel jagat Badung nenten ja kasumbungang ngicen wantuan hibah sane mawit saking APBD Badung majeng umat Hindu ring pulo Dewata kemanten.
Bilih-bilih politisi PDI Perjuangan sane mangkin dados Calon Wakil Gubernur (Cagub) Bali kasarengin Calon Gubernur ( Cagub) Wayan Koster puniki taler nyukserahang wantuan hibah majeng pawangunan pura majeng umat Hindu sane wenten ring sajebag daerah ring Indonesia.
Wiakti sane pinih anyar, Giri Prasta nlatarang jenar majanten panyukserahan hibah antuk makudang program karincikang silih tunggil wentuk komitmen mangda saling asih ngawit saking Badung ngantos Bali maweweh kantos Nusantara antuk sesanti Badung Angelus Buana.
Parindikan puniki manut Giri Prasta kalaksanayang antuk ngawantu saha mangda sayan dangan i krama indik adat, pemerintahan saha kemasyarakatan.
Duaning dane mapangapti antuk program puniki dane mapikayun ngawangun titi emas majeng generasi sane jagi rauh mangda nenten malih memanah ngwangun infrastruktur, nanging sane pinih utama ngawerdiang saha nincapang angga tetujon sane lianan.
“Duaning titiang maderbe tatiga bantang, manut aspek filosofi sujatinnyane indike puniki sampun kapikayunin majeng para leluhure sami. Samaliha ring widang sosiologis i raga sami wantah pasemetonan napi malih umat sedarma. Salanturnyane ring widang yuridis kapatutang. Majanten titiang, Giri Prasta ngambil kapatutan puniki mangda satata gilik saguluk, sapunapi antuk mangda sareng sami antuk semangat gotong royong,” baos Giri Prasta ring Bangli. Redite Paing Wuku Dungulan (22/9/2024) sane lintang.
Sios malih, Sang Nyoman Sedana Arta pinaka Bupati Bangli ring rahina Redite (22/9/2024) lintang, ngruntuhan pawacana wantuan hibah sane kaicen Giri Prasta selami dane menjabat Bupati Badung sampun karasayang pikenohnyane nenten majeng umat Hindu kemanten taler wargi Bangli kemanten.
“Ritatkala Bupati Badung Bapak Nyoman Giri Prasta ngamong jagat, majanten program Badung Angelus Buana puniki sampun mabukti nenten ja ring Kabupaten Bangli, sakewanten taler ring sajebag kabupaten/ kota ring Bali sane sampun mabukti komitmen Kabupaten Badung indike puniki sapunapi antuk mangda setata ngrajegang adat, agama, tradisi miwah budaya tan pa pamrih ring kabupaten sami sane wenten ring pulo Bali maweweh ngantos Nusantara,” Baos Sedana Arta.
Antuk wantuan dana hibah umat Hindu sane wenten ring dura Bali utawi wilayah Nusantara sane sampub kasukserahang Giri Prasta rikala ngadeg nata bupati Badung warsa 2023- 2024 sami ngantos Rp 22 bara.Red
