Giri Prasta Ngamargiang Upakara Bakti Penganyar ring Gunung Seméru

Bupati Giri Prasta rikala nglaksanayang bakti penganyaran Pemkab Badung nglantur Karya Pujawali Krama warsa 2021 ring Pura Mandara Giri Seméru Agung, Lumajang.

“Pinaka jalaran srada bakti ring Ida Sang Hyang Widhi Wasa sané maprabawa Hyang Siwa Pasupati ring gunung Seméru, pémkab Badung ngamargiang bakti pangayar”.

Jawi Timur-DiariBali

Panglantur upakara lan upacara karya pujawali krama warsa 2021 ring pura Mandara Giri Seméru Agung, Lumajang Jawa Timur, pemerintah kabupatén Badung kapimpin olih Bupati Nyoman Giri Prasta ngamargiang bakti penganyaran, Anggara Umanis Uyé (29/6/2021).

Ri sajeroning pamargi kapuput olih tapini karya Ida Pedanda istri Rai Keniten Griya Ketewel, rikala punika bupati Giri Prasta mapunia akéhnyané 50 yuta sané katerima olih Romo Pandita Mangku Pura Mandara Giri Semeru Agung, Lumajang.

Pinaka murdaning jagat Badung dané ngawedarang sampun dados swadarma pemkab Badung nglantur kutus kabupatén / kota sané wénten ring Bali ngaturang bakti penganyar ring pura sané pinih ageng ring jagat jawi.

“Ida Betara Hyang Siwa Pasupati sané maprewerti ring Semeru Agung madué putra tetiga ring Bali, kapertama Ida Betara Gni Jaya sané malinggnga ring Lempuyang, kaping kalih Ida Betara Putrajaya malingga ring Gunung Agung lan Ida Déwi Danu sané malingga ring Batur, duaning asapunika sampun dados swadarma antuk sia kabupatén/ kota sané wénten ring Bali ngaluhurang bakti penganyaran rikala patirtan ring Pura Mandara Giri Seméru Agung,” baos dané.

Dané ngawewehin, kawéntenan pura Mandara Giri Seméru Agung Lumajang wénten pakilitannyané antuk panca tirta utawi lima pandita suci sané wénten ring Bali minakadi Brahma Panditha, Mpu Semeru, Mpu Ghana, Mpu Kuturan, dan Mpu Bharadah. Indiké punika sané mawiwit krama hindu kapatutang ngaturang sembah bakti ke pura inucap.

“ Lelima pandita puniki sané tedunang soroh ring Bali, maweweh iraga sareng sami sané tangkil rahinané mangkin ring pura Mandara Giri Seméru égung, Lumajang,” tlatar nyané.

Ring galah punika taler ketua PHDI kabupatén Lumajang Edi Sumianto maosang manut pararem majeng manggala sané wénten ring Bali mutusang janten patirtan kamargiang jati mula wantah selami 11 rahina, ngawit pinanggal 24 juni ngantos 4 juli sané jagi rauh.

Kawéntenan kahanan pandemi Covid 19 para manggala ngwatesin pamedek penganyar ring soang-soang kabupatén sané nglaksanayang pangubakti makéh 250 diri nyabran rahina.

“ Matur suksma aturang titiang majeng murdaning jagat Badung miwah jajaran sané sampun nglaksanayang pamargi bakti peganyaran saha punia sané katur ring Ida Betara sané mastana iriki ring pura Mandara Giri Seméru Agung, Lumajang rahinané puniki,” baos Edi Sumianto. (Get)