Denpasar Ngamolihang Nilai Tertinggi Program Gerakan Menuju 100 Smart City

DENPASAR-Diari Bali

Ibu kota provinsi Bali mawali suksès ngamolihang prèstasi gemilang antuk nilai tertinggi Program Gerakan Menuju 100 Smart City Warsa 2020 antuk pikolih nilai 3,48.

Kadis Kominfo Kota Denpasar, I Dèwa Madè Agung rikala kakonfirmasi Wrespati Pon Krulut (27/5) ngawedarang, kota Dènpasar ngamolihang peringkat pinih luhur Program Gerakan Menuju 100 Smart City warsa 2020 kaunggahang ring rerepi Dirèktorat Jènderal Aplikasi Informatika Kementerian Komunikasi lan Informatika Rèpublik Indonèsia Nomor 883 /DJAI/AI.01.02/12/2020.

Lantur Dèwa Agung, saking hasil Evaluasi Smart City, Kota Dènpasar lan Kota Surakarta ngamolihang peringkat tertinggi antuk nilai 3,48. Kasusul Kota Slèman (3,47), Kota Yogyakarta (3,45), Kabupatèn Batang (3,44), Kota Cimahi (3,42), Kota Pekalongan (3,42), Kota Bandung (3,34) lan Kabupatèn Bojonegoro (3,23).

“Evaluasi kalaksanayang antuk daring nemonin tanggal 23 ngantos 27 Nopèmber 2020 sanè kasarengin 75 kabupatèn/ kota sanè kapilih Program Gerakan Menuju 100 Smart City 2017-2018, dan di tahun 2020 kota Dènpasar kakukuhang pinih becik,” baos danè.

Kawedarang Dèwa Agung, Kota Dènpasar ring evaluasi Smart City ngambil sesanti Inovasi Program Percepatan (Quick Wins). Kapertama inggih punika Smart Heritage Markèt Pasar Badung, Dènpasar Fèstival ke-13 Daring nyeledi Smart Economy. Kaping kalih, Taring Dukcapil, Portal Desa Kelurahan e-Sewakadarma, Portal ASN Denpasar Integrated Virtual Office System (DIVOS) lan Pengaduan Online PRO Dènpasar ngawakilin Smart e-Government. Katiga, Kawasan Gajah Mada Heritage, Story Telling Tukad Badung ngawakilin Smart Branding.

Salanturnyanè kaping pat, Layanan Damakesmas, Sistem Kegawatdaruratan Terintegrasi Cal Cènter 112 ngawakilin Smart Living. Kalima, Dharmanegara Alaya (DNA), Rumah Berdaya mewakili Smart Society. Sanè pinih untat inggih punika Sidarling, Rèvitalisasi Sungai (Tukad) Badung dan Tukad Bindu ngawakilin Smart Ènvironment.

Siosan punika, penilaian èvaluasi kadasarin antuk 5 dimènsi utama. Minakadi Baseline, Output, Outcome, Impact, dan Program Percepatan utawi Quick Win. Tios malih, ring warsa 2019 Dènpasar ngamolihang peringkat 3 antuk nilai 3,42 ring sor Kota Bandung (3,62) lan Kota Semarang (3,53).

“Majanten titiang ngaturang sesanti ayubagia ring warsa 2020 Kota Denpasar suksès ngamolihang sanè pinih becik, indikè puniki majanten dados cemeti majeng iraga sareng sami mangda tetep ngalimbakang saha nyantenang inovasi sanè katerapang ngamolihang pikolih sanè utama majeng masyarakat Kota Denpasar,” baos danè. Red