Walikota Jaya Negara Ngupasaksi Pemelaspas Wantilan Pura Dalem Desa Adat Peninjoan
Denpasar,diaribali.com
Walikota Denpasar, I Gusti Ngurah Jaya Negara ngupasaksi Upacara Melaspas, Mendem Pedagingan miwah Pecaruan ring Wantilan Pura Dalem Khayangan, Desa Adat Peninjoan, Denpasar Utara, Wraspati Umanis Sinta, Kamis (13/2). Upacara melaspas kamargiang sesampune Wantilan prasida puput.
Maka panegep kaduluring antuk gambelan miwah kidung, eedan pamargi upacara kakawitin antuk sasolahan rejang miwah topeng wali sane pinaka pamargi sane sakral manut para wargi. Pamargi acara kamargiang pengrastiti sinarengan yang kapuput olih Ida Rsi Bujangga Batur saking griya Batur Tembau.
Walikota Denpasar I Gusti Ngurah Jaya Negara maosang, wantah upacara melaspas, mendem pedagingan miwah mecaru puniki pinaka cihna majeng ring krama mangda satata eling miwah nincapang srada bhakti majeng ring Ida Sang Hyang Widi Wasa.
Tiosan punika, parindikan puniki pinaka yasa kerti rikalaning ngrajegang kasukertan nganutin parhyangan, pawongan miwah palemahan maka dasar utawi kajiwa premanain antuk ajahan Tri Hita Karana tios malih karumaketan rikala mikukuhin kalestarian budaya miwah spiritual.
“Antuk pamargi upacara melaspas puniki ngiring tincapang rasa srada bhakti iraga sareng sami rikalaning ngupapira kasukertan makadi parhyang, pawongan miwah palemahan pinaka jalaran Tri Hita Karana,” baos dane Jaya Negara.
Bendesa Adat Peninjoan, I Wayan Suastika ngaluhurang parama suksma majeng ida dane krama sareng sami sane sampun nyokong antuk punia sane sampun katur. Dane taler nyihna yasa antuk sapangrauh uleman makasami pamargi upacara mecaru miwah pemelaspas. “Pamargi upacara titiang mapangapti kesucian miwah kerahayuan prasida kapikolihang krama sami utamannyane ring desa adat Peninjoan,” baosnyane. (get)