Pangukuhan Paskibraka Kota Denpasar 2025
Denpasar, diaribali.com
Wali Kota Denpasar, I Gusti Ngurah Jaya Negara ngukuhang Pasukan Pengibar Bendera Pusaka (Paskibraka) Kota Denpasar warsa 2025 ring Lobby Gedung Dharma Negara Alaya, Denpasar. Wraspati Pon Wuku Wayang (14/8). makasami Anggota Paskibraka Kota Denpasar pacang ngamargiang swadarma ri kala Upacara Pengibaran miwah Penurunan Sang Merah Putih Peringatan HUT ke-80 Kemerdekaan Republik Indonesia ring Kota Denpasar sane pacang kalaksanayang ring Lapangan Lumintang, Kota Denpasar tanggal 17 Agustus sane jadi rauh.
Parikrama kamiletin Ketua DPRD Kota Denpasar, I Gusti Ngurah Gede, Dandim 1611 Badung, Kolonel Inf. Putu Tangkas Wiratawan, Forkopimda Kota Denpasar, Pimpinan OPD ring pantaraning Pemkot Denpasar miwah uleman tiosan.
Upacara pengukuhan kariinin antuk nembangang tembang Kebangsaan Indonesia Raya, kalanturang ngawacen Pengantar Pengukuhan miwah Pengukuhan oleh Wali Kota Denpasar, I Gusti Ngurah Jaya Negara antuk pemasangan kendit simbolis. Eedan pamargi upacara kapuputang antuk ngucapang rahajeng miwah foto sinarengan.
Wali Kota Denpasar, I Gusti Ngurah Jaya Negara ring galahe punika nyihna yasa saha ngucapang rahajeng majeng ring anggota Paskibraka sane sampun kakukuhang ring rahinane mangkin. Pengukuhan puniki nenten ja pinaka yasa kemanten, puniki cihna rasa mabela pati miwah utsaha sane sampun kasiagayang olih Paskibraka Kota Denpasar selami pamargi paurukan, sakemaon pinaka panegulan tanggung jawab sane luih utama.
Salanturnyane kabaosang, pinaka generasi muda penerus bangsa, Paskibraka kaaptiang sida ngamargiang pakaryan sane luwih utama puniki sane becik ritatkala pamargin pangibaran taler nedunang Bendera Sang Merah Putih. Tiosan punika, indike puniki dados imba miwah patitis teladan, disiplin, kepemimpinan, miwah cinta tanah air. Dumogi semangat miwah komitmen para paskibraka sami sida ngamargiang tugas puniki gumanti dados inspirasi majeng ring pasawitran ring pantaraning masyarakat.
“Titiang percaya antuk kerja keras, tekad, miwah semangat sane sampun kacihnayang, para yowana puniki pacang ngamargiang tugas sane mulia puniki madasar antuk kayun sane becik miwah antuk rasa tanggung jawab. Ngiring tincapang berkarya, malahjah miwah berkontribusi mangda kemajuan Kota Denpasar miwah bangsa Indonesia, Tanggung jawab besar wenten ring pundak para Paskibraka Kota Denpasar, ngiring sareng-sareng astitiang pamargi mikelingin HUT ke-80 Kemerdekaan Republik Indonesia,” baos Jaya Negara. (Get)