Nawengin Kahanan Panes Ngentak, Damkar Denpasar Nabdabin TPA Sarbagita

Denpasar, diaribali.com

Kawentenan indik panes nyentak utawi ekstrem sane ngametuang indik pikobet kebakaran, Dinas Pemadam Kebakaran miwah Penyelamatan (Damkar) Kota Denpasar ngalaksanayang upaya antisipatif. Rahina Wraspati Umanis Wuku Gumbreg (16/10), Damkar Denpasar nutugang dua armada mobil pemadam nglaksanayang aksi penyiraman (pendinginan) ring Tempat Pembuangan Akhir (TPA) Regional Sarbagita Suwung.

Penyiraman puniki kalaksanayang sinalih tunggil upaya nyaga suhu stabil lan nglaksanayang pikobet indik kawentenan titik panas utawi hotspot sane dados potensial ngranayang kebakaran, utamannyane ring tengah areal tumpukan sampah sane gelis kabetik.

Kepala Dinas Damkar Denpasar, Ir. I Made Tirana, maosang indik penyiraman puniki kalaksanayang antuk paletan saha prasida kalanturang malih antuk nganutin pakibeh cuaca.

“Puniki silih tunggil upaya preventif sane pidabdabin titiang untuk nyaga suhu miwah nawengin kebakaran ring areal TPA. Cuaca panas miwah arah angin sane nenten prasida ngawetuang api, utamanye saking gas metana sane kadadosang antuk tumpukan leluu,” tegas Tirana.

Tirana ngawewehin, mangda sareng-sareng nglaksanayang koordinasi sareng pengelola TPA Sarbagita miwah instansi terkait sane wenten, guna nyaga suhu lan nyelehin indik gejala api bawah permukaan sane prasida kadadosang.

“Titiang pacang setata ngiwasin saha nunggilang pamargi antisipasi, mangda masyarakat sane makarya ring TPA nenten kaparengang gangguan asap utawi api sane dados pikobet sarahina,” weweh dane.

Pihak Damkar Denpasar taler mikelingin ring krama, utamanyane ring sasih bara puniki, mangda setata yatna nenten sakita arep ngidupang api miwah nglaksanayang bebaosan yening wenten tanda-tanda kebakaran ring pantaraning sane kauningang.

“Upaya puniki silih tunggil saking kesiapsiagaan Pemerintah Kota Denpasar ngarepin panes bara sue puniki ring Bali,” Tirana muputang ( db)