Urati Kemacetan Forum LLAJ Kota Denpasar Nglaksanayang Rakor
Denpasar,DiariBali.com-
Pemerintah Kota Denpasar majalaran Dinas Perhubungan Kota Denpasar nguratiang kemacetan lalu lintas ring wewidangan Patung Titi Banda.
Sane mangkin, kasarengin antuk stakeholder makadi Forum Lalu Lintas miwah Angkutan Jalan Kota Denpasar, Dinas Perhubungan Provinsi Bali, PJN Wilayah III Bali miwah Polda Bali taler ngalaksanayang paruman miwah ngaksi lalu lintas sane ngranayang kawentenan parkir truk miwah angkutan barang ring wewidangan Patung Titi Banda, Jalan Bypass Ngurah Rai, Denpasar. Wraspati Wage Wuku Watugunung (6/2).
Parikrama puniki kapimpin Kepala Dinas Perhubungan Kota Denpasar. Ketut Sriawan. Tiosan punika karauhin taler Kabagbinopsnal Dit. Lantas Polda Bali, AKBP. I Gede Putu Putra Astawa, Asisten PJN Wilayah III Bali, Ida Bagus Putu Jeladi , Perwakilan Dishub Provinsi Bali, Nengah Suki serta undangan lainnya.
Kadis Perhubungan Kota Denpasar, I Ketut Sriawan maosang rapat koordinasi miwah pemantauan langsung ring lapangan puniki kalaksanayang nepis kewentenan pikobet truk dan angkutan barang sane parkir kaon pisan ring wewidangan patung Titi Banda. Tiosan punika, penertiban wangunan bedeng taler kalaksanayang sane dados pikobet keasrian kota miwah keslamatan para I krama.
Pamargi puniki kalaksanayang matetujon mangda makasami nodia kawentenan sane patut katampenin becik- becik ngantos pikobete puniki prasida ketawengin ring galah sane nampek puniki pacang kalaksanayang penertiban, jangka menengah miwanh panjang pacang kalaksanayang sami ring wewidangan antuk terpadu miwah terintegrasi.
Kasarengin Forum Lalu Lintas miwah Angkutan Jalan Kota Denpasar mapangapti pikobete puniki mapuara lalu lintas pacang kasinergiang makasami miwah langsung kaaksi kawentenan ring lapangan. Dadosnyane pikobete puniki pacang mawiguna ring I krama utamannyane widang lalu lintas angkutan lajan duaning pikobet lalu lintas janten patut kauratiang makasami.
“Sajangkepnyane Dishub Kota Denpasar sampun masng rambu larangan parkir miwah penertiban sarahina. Sakewanten pamargi antuk skala sane magengan patut kalaksanayang duaning wewidangan puniki wantah jalan nasional kawewehin taler makudang ruas margi ring area puniki durung becik. Sami dados kesatuan utama sane patut gelis ketawengin,” Baosnyane.
Kabagbinopsnal Dit. Lantas Polda Bali, AKBP. I Gede Putu Putra Astawa nelatarang nukung pemargine puniki penataan wilayah ring wewidangan patung Titi Banda masikian majeng Dishub Kota Denpasar, Forum Lalu Lintas miwah Angkutan Jalan Kota Denpasar miwah sane lianan.
“Mangda kewentenan puniki mangda gelis minab prasida kabuntasang. Sakewanten sane patut uratiang pinih utama sapunapi antuk nawengin konflik sane minab majeng para pedagang miwah truk punika taler angkutan barang sane parkir sane nenten becik,” tegesnyane (get).